Árgangur 1967 af Akranesi

Kæru vinir og skólasystkini

Mig langar að segja ykkur í nokkur orðum um veikindi mín og hvernig staðan mín er í dag.
Ég greindist með eitlakrabbamein janúar 2007 (non hopkins). Fór í meðferð sem gekk ekki
sem skyldi því krabbameinið tók sig upp aftur í apríl 2008. Svo að minn læknir setti upp plan
B sem er stofnfrumumeðferð, hún felst í því að stofnfrumur voru teknar úr mér og geymdar.
Hægt og sígandi var líkaminn drepinn niður í 0 þegar það var búið voru stofnfrumurnar settar
í mig aftur. Það tekur þær 2 vikur að fjölgar sér í aðrar frumur(rauð,hvít og fl.blóðkorn).Á meðan
var ég í einangrun. Þetta var ströng og erfið meðferð, en í dag er hún yfirstaðin og gekk ágætlega.
Framundan hjá mér tekur við uppbygging sem stendur yfir í ca. 6 mánuði til að ná líkamanum upp
aftur.
Ég er bjartsýn á lífið og vona að erfiðleikarnir sem þessu hefur fylgt séu að baki.

Enn kæru vinir og skólasystkyni ég vil þakka ykkur fyrir stuðninginn og hlýju kveðjunar
sem styrkjir mann mikið í erfiðum veikindum.

Bestu kveðjur Sigurlín (Lína)

Kæru skólasystkin og vinir.

Eins og þið flest vitið þá hefur vinkona og skólasystir okkar hún Sigurlín Jónsdóttir (Lína Jóns) átt við alvarleg veikindi að stríða. Hún greindist með krabbamein í ársbyrjun 2007 og hefur verið að glíma við þennan ógnvald frá þeim tíma.

Núna er Lína að hefja langa og stranga læknismeðferð sem vonandi verður til þess að hún nái bata sem fyrst.

Eins og gefur að skilja þá hefur hún ekki getað stundað vinnu að neinu marki frá því að hún veiktist, þess vegna höfum við ákveðið að setja af stað söfnun til að styðja við bakið á henni.

Vonandi sjá sem flestir sér fært að leggja Línu lið og hefur verið opnaður söfnunarreikningur í hennar nafni. Og munið margt smátt gerir eitt stórt.

Reikningurinn er: 552-14-400127 Kt: 271167-4239

Með kærri kveðju,
Jóhanna Árna

Næstkomandi laugardag er komið að því að við í árgangi '67 ætlum að gera okkur glaðan dag hér á Skaganum.

Við byrjum á því að hittast í Keilusalnum, í kjallara íþróttahússins á Vesturgötunni kl. 15:00. Sláum þar upp keilukeppni.

Kl. 17:00 verða svo stráka- og stelpupartý í anda Hjallastefnunnar.

Stelpurnar mæta heim til Jóhönnu Árnadóttur á Grenigrund 33, (gsm 864 5524).

Strákarnir ætla að hittast heima hjá Sigga Haralds á Kirkjubraut 12, íbúð 401, gengið inn í húsið bakatil (gsm 862 5021).

Kl. 19:00-19:30 tekur undirbúningsnefndin á móti ykkur í Jónsbúð, sal Slysavarnarfélags Akraness að Akursbraut 13, með fordrykk.

Nánari dagskrá kvöldsins verður kynnt á staðnum.

Jæja gott fólk, nú er þetta allt að gerast og aðeins tvær vikur í hasarinn.
Undanfarna daga hafa málin þróast þannig að útlit er fyrir metþáttöku þ. 17. maí.
Skráningar streyma inn á hverjum degi og í dag eru 45 skráðir og enn eru einhverjir heitir og skorum við á þá að taka af skarið og senda póst á Jóhönnu, johanna@brak.is

Mikilvægt er að þið sem eruð búin að skrá ykkur leggið inn á reikninginn, sjá uppl. frá Birnu hér að neðan.

Þegar við hittumst 2003 þá fengum við hinn síunga Magnús Ingvason kennara, til að stjórna veisluhaldinu og það er gaman að segja frá því að hann ætlar aftur að heiðra okkur með nærveru sinni og veislustjórn.

Nefndin.

Það stefnir allt í góða mætingu hjá okkur á árgangshittinginn þann 17. maí. Rúmlega 40 búnir að skrá sig. Minni þá sem enn eiga eftir að greiða staðfestingargjaldið að gera það eins fljótt og kostur er.

Komið hefur í ljós að eftir því sem árunum fjölgar hjá okkur dregur annars vegar úr hæfni til að meðtaka upplýsingar og hinsvegar viðbragðsflýti. :-)

Þess vegna hefur nefndin ákveðið að gefa ykkur tækifæri til að skrá þátttöku og greiða staðfestingargjaldið fram til mánudags 5. maí.

Þátttökuskráning er hjá Jóhönnu Árna johanna@brak.is Staðfestingargjaldið 4.900.- kr. lagt inn á reikning árgangsins.

Reikningsnúmer 552-14-611967
Kennitala 030167-4659

Nú er fólk aðeins farið að taka við sér og skráningar að detta inn og ekki seinna vænna, rúmur mánuður í partý. Sendið endilega póst á Jóhönnu Árna ef þið eruð búin að ákveða að mæta.

Nafnalistinn hefur verið uppfærður. Feitletraðir eru búnir að skrá sig.

Ágætu skólafélagar
Nú er tæp vika þar til skráningarfrestur á árgangshittinginn rennur út, þann 15. apríl. Hvet ykkur til að skrá þátttöku sem fyrst.

Dagskráin

Þann 17. maí ætlum við að hittast. Byrjum á því að hrista hópinn saman í keilukeppni í Keilusalnum á Akranesi (í kjallara íþróttahússins við Vesturgötu), þar sem við lærðum leirvinnu einu sinni.

Eftir það verða verða partý fyrir stelpurnar hjá Jóhönnu Árna og strákarnir hittast hjá Sigga Haralds. Þaðan verður farið í Jónsbúð, félagsheimili Slysavarnarfélags Akraness, staðsett á Akursbraut, rétt neðan við Akratorgið.

Á matseðli kvöldsins verður boðið upp á forrétt, m.a. sítrónumarinerað sjávarréttasalat, 2 tegundir af paté og grafinn lax. Aðalrétturinn samanstendur af sinneps- og hvítlauksmarineraðri kalkúnabringu og marineruðu lambalæri með tilheyrandi girnilegu meðlæti. Á eftir verður þeim sem duglegir verða að borða boðið upp á eðalkaffi og konfekt að hætti nefndarinnar.

Skemmtiatriði kvöldsins og samkvæmisleikir verða af ýmsum toga. Nánar upplýst 17. maí.

Nú er nafnalistinn einnig kominn inn á vefsíðuna, sjá barinn hér til vinstri. Þar getið þið fundið nöfn allra sem skráðir eru í árganginn ásamt símanúmerum og þá sem hafa skráð þátttöku. Allir sem hafa skráð sig eru feitletraðir í listanum. Hvet ykkur til að hafa samband við gömlu félagana og peppa upp til þátttöku.

Jæja nú er komið að því að skrá þátttöku í árgangshittingnum okkar.
Þann 17. maí nk. munum við byrja á því að hittast um miðjan dag í keilusalnum á Akranesi, í kjallara íþróttahússins við Vesturgötu. Um kvöldið ætlum við síðan m.a. að snæða þriggja rétta máltíð í Jónsbúð. Ýmislegt annað skemmtilegt verður einnig á dagskrá þennan dag. Dagskráin nánar auglýst síðar.

Hvet ykkur til að skrá ykkur til þátttöku sem fyrst, í síðasta lagi þann 15. apríl. Miðaverð kr. 4.900.-

Til að staðfesta skráningu þarf að leggja kr. 4.900.- inn á reikning árgangsins sem er í Glitni á Akranesi.
Þegar þið leggið inn á reikninginn, vinsamlegast sendið afrit af innlegginu með tölvupósti til Jóhönnu með eigin nafni í tilvísun.

PS.
Ef einhvern vantar gistingu á Akranesi þann 17. maí endilega látið okkur í nefndinni vita og við reddum málunum.

Bestu kveðjur
Alfreð, Birna, Heiða, Hildigunnur, Jóhanna, Karen og Siggi Haralds.

Kæru skólasystkin!

Nú er komið að því að hittast í tilefni þess að heil 25 ár eru nú liðin
frá því lukum grunnskóla á Akranesi. Við ætlum að hittast þann 17. maí
nk. Endilega takið daginn frá fyrir skemmtilega samverustund á Skaganum.

Síðast hittist árgangurinn í maí 2003 og var til þess tekið hversu vel
dagurinn heppnaðist og skemmti fólk sér konunglega við að rifja upp
gamlar minningar og fá nýjar fréttir af gömlu skólafélögunum!

Við erum búin að setja vefsvæði á netið fyrir árganginn okkar (þessi vefsíða), slóðin
er: www.mmedia.is/argangur67. Þar getið þið m.a. skoðað myndir frá
gullaldarárunum
okkar og öllum árgangspartýunum sem haldin hafa verið. Þar munum við
setja inn fréttir og tilkynningar af gangi mála hvað varðar undirbúning
og auðvitað dagskrána þegar nær dregur!

Kær kveðja

Alfreð, Birna, Heiða og Hildigunnur

Nú styttist í næsta partý.

Nýjar myndir og fleira væntanlegt innan tíðar, fylgist með...