Loksins virðist hafa tekist að finna lausn á áratuga tilraunum við að koma leitandi drykkjumanni til hjálpar með sameiginlegu átaki félagslegra og heilsufræðilegra aðgerða.

SÁÁ -- Samtök Áhugamanna um Áfengisvandamálið -- á rætur sínar að rekja til hóps áhugamanna sem áttu það sameiginlegt að hafa notið aðstoðar í eigin áfengisvandamáli á meðferðarstofnunum vestur í Bandaríkjunum, m.a. Freeport Hospital og Veritas Villa, með mjög góðum og eftirtektarverðum árangri.

Strax, og jafnvel áður en hinn jákvæði árangur kom í ljós, stofnaði þessi hópur þakklátra áhugamanna félagsskap sem bar og ber heitið "Frípotklúbburinn"

SÁÁ rekur uppruna sinn til þessa mannræktarhóps, en eftir að hafa stofnað SÁÁ var strax hafist handa á vetvangi. Fyrst var opnuð afvötnunarþjónusta í Reykjadal í Mosfellsdal, síðan meðferðarþjónusta að Sogni í Ölfusi, og eftir það hlóðst hver silkihúfan upp af annarri og má þar nefna Silungapoll, Staðarfell og Vog, en Vogur hefur það fram yfir allt hitt að hann er með dúsk í sinni húfu og sveiflar honum víða.

Þjónustu SÁÁ eru gerð skil á öðrum stað hér á Síðunni, (t.d. í "sjukdomurinn" og er þeim sem leita aðstoðar í ofdrykkjuvandamáli sínu eða sinna bent á að smella þar.

St.G.