Sá misskilningur hefur læðst inn í huga margra að ekkert nema AA sé þess megnugt að hjálpa drykkjumanni til að hætta að drekka. Þetta er mesti misskilningur.

Að vísu hafa AA samtökin sannað getu sína á þessu sviði, en aðrar stefnur hafa líka sannað sig. Bindindisfélög hafa hjálpað það mörgum að ekki verður tölu á komið. Sama er að segja um margvísleg trúfélög, íþróttafélög, ferðafélög og önnur menningarfyrirbæri.

Hnútukast verður umfram allt að forðast í þessum efnum.

Hvort það svo er AA eða eitthvað annað mannræktarfyrirbæri sem fær drykkjumanninn til að vakna til vitundar um tilgang lífsins skiptir engu -- bara hann vakni.

Stífni er ekkert til að skammast sín fyrir. Hún er bara meinloka. Nokkurs konar bensínstífla.

Hvort brautin er bein eða krókótt er ekki aðalatriðið.