Hvers vegna vakir sannleikurinn yfir vötnum á AA fundum? Hvers vegna öll þessi hreinskilni? Verða AA menn heilagir svona sjálfkrafa?

Nei, ekki aldeilis. Slúbbertar hætta ekki að vera slúbbertar bara við það eitt að fara á AA fund. En hreinskilnin, sem þar ríkir, er samt staðreynd, og hún á sínar orsakir.

AA fundur er samsafn drykkjumanna. Allir eru þeir sérfræðingar í drykkjuskap og þekkja bæði þá líðan og þá klæki sem drykkjuskap eru samfara. Menn reyna ekki að ljúga að sérfræðingum í þeirra eigin fagi. Þarna er lygi því tilgangslaus jafn lengi og drykkjumenn stjórna ferðinni.

En hreinskilnin getur orðið manni eiginleg, ekki síður en annað sem maður temur sér, og með því að sækja AA fundi aftengjumst við óhreinskilninni ---- erfiðasta dragbít drykkjuskaparins