Félagið MÍR Félagið MÍR

 

Rússnesk skáldkona og
þýðandi les upp í MÍR

Laugardaginn 3. október nk. kl. 16 verður rússneska skáldkonan og þýðandinn Olga Markelova Alexandersdóttir gestur félagsins MÍR, Menningartengsla Íslands og Rússlands, í salnum Hverfisgötu 105, og les upp úr verkum sínum, frumsömdum og þýddum, bæði á rússnesku og íslensku.

Olga Markelova er fædd og uppalin í Moskvu og hefur búið þar alla sína náms- og starfsævi, að undanskildum námsdvölum utan Rússlands. Hún hóf nám í norrænum tungumálum við háskóla í Moskvu árið 1996 með dönsku sem aðalgrein. Skyldunámsgrein var og forn-íslenska og vaknaði þá áhugi hennar á nútíma íslensku. Á árinu 2002 kom Olga sem skiptinemi til Íslands og nam íslensku og íslensk fræði við Háskóla Íslands, og síðan hefur hún búið til skiptis í Moskvu og Reykjavík.

Olga Markelova er ljóðskáld og hafa ljóð hennar birst í tímaritum heima og erlendis. Hin síðari ár hefur hún einnig lagt stund á þýðingar jafnframt eigin skáldskap, einkum úr íslensku og færeysku á rússnesku, svo og greinaskrif og kennslustörf. Hefur Olga þýtt mörg verk íslenskra höfunda, ljóð, leikrit og skáldsögur, auk þess sem hún hefur þýtt neðanmálstexta tugs íslenskra kvikmynda, sem sýndar hafa verið í Rússlandi hin síðari ár. Meðal nýjustu þýðinga Olgu Markelovu sem út hafa
komið á rússnesku er skáldsaga Hallgríms Helgasonar „Kona við 1000°¨ og saga Árna Bergmanns „Þorvaldur víðförli“.

Allir sem áhuga hafa eru velkomnir í MÍR-salinn, Hverfisgötu 105, laugardaginn 3. október kl. 16. Að upplestri Olgu Markelovu loknum er gestum boðið kaffi eða te og kleinur.


Kvikmyndasýningar
MÍR, Hverfisgötu 105, í september og október 2015

Sýningarskráin í heild sinni fyrir september og október 2015.


Aðgangur að sýningunni í MÍR er ókeypis og öllum heimill.
Félagið MÍR Félagið MÍR
Félagið MÍR

 


Félagið MÍR Félagið MÍR

Félagið MÍR, Menningartengsl Íslands og Rússlands,
Hverfisgötu 105, 101 Reykjavík,
Sími (Tel): 551-7928, heimasími formanns 551-7263
Netfang (Email): felmir@mmedia.is

Uppfært 28. september 2015

Félagið MÍR Félagið MÍR