Lionsclubs International er stærsta alþjóðlega þjónustuhreyfing heimsins. Hreyfingin starfar nú í um það bil 200 þjóðlöndum
og innan hennar eru 45.000 klúbbar með tæplega eina og hálfa milljón félaga. Lionsklúbbar eru ýmist karlaklúbbar,
kvennaklúbbar eða blandaðir klúbbar.
Í Lionshreyfingunni starfa karlar og konur saman að góðum málefnum.
Í Lionshreyfingunni starfa ungir og aldnir saman að góðum málefnum.
Í Lionshreyfingunni geta allir fundið sér farveg við hæfi.
Í samræmi við kjörorð Lionsmanna “Við Þjónum” er það eðli Lionsklúbba að vera þjónustuklúbbar, þjóna þeim sem minna mega sín.
Það er þó ekki það eina sem starfið gengur út á. Mikil áhersla er lögð á að efla félagsandann og í boði eru ýmiss námskeið
til að efla félagana bæði á sviði félagsstarfa og stjórnunar.
Á fundum klúbbanna eru rædd málefni hreyfingarinnar og klúbbsins og einnig koma á fundina fyrirlesarar um ýmis áhugaverð
málefni alls óskyld Lionshreyfingunni.
Í Lionsklúbbi Mosfellsbæjar hefur verið lögð áhersla á virka þátttöku félaganna í starfinu. Einnig hefur verið lögð aukin áhersla á þátttöku fjölskyldunnar.
Tvisvar til þrisvar á ári er mökum félaganna boði á sérstök makakvöld.
Mökum er einnig boðið með í stuttar ferðir á vorin og haustin.
Í ágúst eru makar með í helgarferð.
Jólahlaðborð klúbbsins er helgað börnum og fjölskyldum félaganna.
Á Sumardaginn fyrsta er fjölskyldum félaganna boðið í morgunverðarhlaðborð.
Þetta eru auðvitað aðeins takmarkaðar upplýsingar um starf klúbbsins og ef þú hefur áhuga á að vita meira um
Lionshreyfinguna eða Lionsklúbb Mosfellsbæjar getur þú haft samband við einhvern neðantalinna stjórnarmanna með
tölvupósti eða símtali, eða einhvern annan félaga klúbbsins.
| Ingimundur Eymundsson |
Formaður |
Sími: 566 6515 /
825 5486 |
Tölvupóstur
|
| Gústaf Guðmundsson |
Ritari |
Sími: 586 1992 / 894 4239 |
Tölvupóstur
|
| Þórarinn Jónsson |
Gjaldkeri |
Sími: 445 1018 / 897 1257 |
Tölvupóstur |
Við tökum vel á móti öllum sem hafa áhuga á að kynnast starfseminni.
|