|
Appelsínu-gulur litur í árunni |
Áru, sem hefur appelsínugulan lit ríkjandi, er
helst að finna hjá miklu dugnaðarfólki. Það er venjulega félagslega
úthverft, og velur sér oftast starf sem krefst mikilla samskipta, svo
sem í pólitík og sölumennsku. Það er yfirleitt sjálfstætt og
metnaðargjarnt, og býr nánast alltaf yfir miklum
sannfæringarkrafti. Það hefur tilhneigingu til þess að vanmeta veikleika
sína og fer stundum í vörn þegar það verður fyrir gagnrýni.
Þó að fólk
með þennan lit í árunni meti mikils jákvæð, félagsleg samskipti, þá á það
oft í erfiðleikum með að byggja upp langtíma sambönd. Orka þess er stundum
tvístruð og því mistekst oft að ljúka mikilvægum verkefnum.
Ef liturinn
er óhreinn þá tengist það óþolinmæði, sjálfselsku, litlu þoli gegn
örvæntingu og tilfinningalegu ójafnvægi.