|
Blár litur í árunni |
Blár er litur sem algengt
er að finna í áru mannsins. Litbrigði og skírleiki eru afgerandi þættir,
sem ákvarða mikilvægi þessa mikilvæga litar. Ljósblár er tengdur jafnvægi,
friðsæld, sveigjanleika og bjartsýni, en dimmblár huglægri árvekni og
stjórn á tilfinningum. Ljósbláan árulit er nánast alltaf að finna hjá þeim
sem meta innsæi og samúð með öðrum. Dýpri tónar bláa litarins sjást oft í
árum einstaklinga sem eru hnyttnir og sjálfsagaðir.
Blátt litaraft í áru er sérstaklega móttækilegt fyrir
hugleiðslu- og slökunartækni sem virðist bókstaflega mynda bjarta
orkutíðni og dreifa henni um kerfi árunnar. Hugleiðsluðferðir sem fela í sér
friðsælar myndir af heiðbláum himni eru sérstaklega áhrifaríkar til þess
að skapa ljósbláan lit í árunni og meðfylgjandi friðsæld. Aðferðir, sem
byggjast á myndum af djúpum, bláum vötnum, hafa bókstaflega aukið
djúpbláan lit í árunni og um leið bætt tilfinningalegan stöðugleika og
sjálfstjórn.
Daufblár litur, hvar sem er í árunni, tengist neikvæðri
streitu, svartsýni, vonleysi og óöryggi. Þunglyndir einstaklingar með
sjálfsvígshvöt hafa undantekningarlaust svæði í áru sinni sem eru með
óhreinum, daufbláum lit.
Ef daufblárri litaorku er veitt inn
í áruna, þá gæti það orðið til þess að skapa enn meira þunglyndi.
Árangurinn yrði slæm hringrás þráláts þunglyndis. Hver svo sem aflstöð
fyrirbærisins er, þá er sambandið á milli litar árunnar og geðlagsins
mikilvæg fræðileg vísbending til þess að komast fyrir og
rjúfa hringrás þunglyndis.