|
Bleikur litur í árunni |
Bleikur er litur æsku, yngingar, næmni, hugsjóna og hæfileika. Þó svo
að hann geti birst á meðal annarra lita sem eru daufir eða aflitaðir, þá
er bleiki liturinn alltaf bjartur og geislandi. Hann er litur vonar
og er yfirleitt stöðugur. Þeir sem tengjast honum bera með sér
jákvæða sýn á lífið, fjölhæfni og sterka sjálfsmynd.
Þar sem hann er mjög algengur í árum aldraðs fólks, þá
hefur hann oft verið tengdur langlífi. Eitt það áhrifamesta sem bæði menn
og konur geta því gert sér til yngingar, er að vinna að því sem eykur við bleika litinn í áru
þeirra.
Bleikan lit er oft að finna í miklu magni í áru þess fólks sem
hefur áhuga á mannúðarmálum og fylgir því jafnan að það hefur náð
framarlega á þeirri braut sinni. Fólk með þennan lit í áru sinni
er líka oftast ósínkt á tíma sinn og starfskrafta í þágu þeirra málefna sem það
hefur áhuga á. Það er yfirleitt hógvært í pólitískum skoðunum og hefur
tilhneigingu til þess að beina áhuga sínum að varðveislu sögulegra minja
og lista.