|
Brúnn litur í árunni |
Brúnn litur í árunni er tengdur miklum áhuga á
jörðinni og náttúrlegum auðlindum hennar ásamt persónuleikaþáttum eins og
hagkvæmni, stöðugleika og sjálfstæði. Jarðfræðingar, vistfræðingar,
fornleifafræðingar, garðahönnuðir og byggingaverkamenn eru nær alltaf með
brún svæði í árum sínum, sem birtast annað hvort sem afmarkaðir blettir
eða rammar utan um aðra liti.
Einstaklingar sem
hafa verulega mikið af brúnum lit í árunni hafa venjulega áhuga á útiveru
svo sem gönguferðum, skíðum, fjallaklifri og veiðum. Þeir eru oft af
X-kynslóðinni og gengur vel í lífinu, en eru svolítið gjarnir á að tjá
óánægju sína með rútínu daglegra starfa sinna á framabrautinni og lífið í
úthverfunum. Þeir passa gjarnan vel upp á heilsu sína. Að puða í
líkamsræktinni eða veggjabolta er á meðal þess sem þeir taka sér fyrir
hendur eftir vinnu. Um helgar flýja þeir oft upp í sveit eða upp á fjöll.
Þó þeir séu venjulega félagslyndir og vinsamlegir, þá meta þeir mikils
einveru og frið.
Duglegir frumkvöðlar og þeir sem
orðið hafa milljarðamæringar fyrir eigin atorku, eru undantekningarlaust
með áberandi brún svæði í árum sínum. Framkvæmdastjórar sem hafa þennan
lit eru venjulega ákveðnir, hagsýnir og sjálfstæðir. Þeir trúa á sjálfa
sig og treysta mjög á innsæi sitt. Þó svo að þeir raði í kringum sig
hæfileikaríkum undirmönnum og ráðgjöfum, þá eru þeir sjálfsöruggir,
afgerandi og hæfir stjórnendur. Þó þeir séu ekki hvatvísir, þá eru þeir
góðir í því að "hamra járnið á meðan það er heitt."
Eitt
ber að varast í þessu sambandi og það er að rugla ekki brúna
litnum saman við aflitun vegna sígarettureykinga. Sígarettureykur, hvort
sem honum er andað að sér eða hann tekinn inn í gegnum
yfirborð líkamans, heftir áruna og aflitar hana með óhreinni, gulbrúnni himnu.