|
Gulur litur í árunni |
Gulur er sá litur
sem einna algengastur er í áru mannfólksins. Hann sést oft mikið í árum
fólks með háa greindarvísitölu, sem er félagslynt og áreiðanlegt. Birta
litarins er oft einkennandi fyrir vitsmuni, og útbreiðsla hans í samræmi við
félagslega hæfni og áreiðanleika persónunnar. Almenna reglan er sú að því bjartari
sem liturinn er, þeim mun meiri er greindin, og því útbreiddari sem hann
er því sterkari eru félagslegu hæfileikarnir.
Í áru þar sem gulur er
yfirgnæfandi litur, þá segir staðsetning birtustigs mikið um hvernig eðli
vitsmuna viðkomandi er nákvæmlega. Skærgulur litur í kringum höfuðið
tengist óhlutbundinni hugsun og úrlausn vandamála, en skærgulur litur í
kringum axlirnar og brjóstkassann tengist góðri samstillingu augna og
handa og tæknilegri þekkingu.
Vísbending um
almenna færni og félagslegan áhuga er það þegar í áru er mikið af gulum lit, og þá vísar
það nánast alltaf til eiginleika eins og áreiðanleika, vingjarnleika og samúðar með
öðrum. Mjög félagslyndir einstaklingar munu nær undantekningarlaust sýna
útbreiddan gulan ljóma í ytri svæðum árunnar.
Sambland góðrar greindar og
sterkra félagslegra hæfileika endurspeglast í áru sem er með björt innri
lög af sterkgulum lit og útbreiddan ljósgulan lit í þeim ytri. Þetta
munstur sést gjarnan í árum öflugra leiðtoga og áberandi aðila í
samfélaginu. Samsetning einkenna þessara lita virðist veita þeim bestu blöndu
huglægs innsæis og þeirrar félagslegu hlýju sem nauðsynleg er til
þess að hafa áhrif á fólk og koma fram breytingum. Þessir einstaklingar
hafa sérstaka hæfileika til þess að tengja saman stöðu mála og
gera sér grein fyrir niðurstöðum þess. Rannsóknir á pólitískum frambjóðendum
hafa sýnt að árangur kosningabaráttu mátti segja fyrir með
allmikilli nákvæmni með því einu að gera einfalda könnun á litasamsetningu
og formum í áru viðkomandi frambjóðanda.
Deyfð og herpingur í ríkjandi gulum lit áru gefur
venjulega til kynna mjög streitufullt ástand sem bendir ákveðið til
neikvæðra áhrifa í vitsmunalegri starfsemi og félagslegum viðbrögðum.
Hindrun í bóklegu námi eða félagsleg barátta, mikið álag við að ná
árangri, missir félagslegrar stöðu, og átök við fólk, hefur óhjákvæmlega
áhrif á áruna og dregur úr birtu hennar. Ef leyst er úr slíkum vanda þá
nær áran að jafnaði aftur sinni fyrri birtu og útþenslu.