|
Rauður litur í árunni |
Rauður litur í áru er
að jafnaði skyndileg birting eða frekar lítið en þétt litasvæði. Hann tengist
oft hvatvíslegri hegðun og sterkum tilfinningum, þar á meðal skyndilegri reiði. Líkt
og að "verða grænn af öfund", þá kann setningin "að sjá rautt" í merkingunni
að reiðast, að hafa beina tengingu við áruna. Ofsaleg rauð litasvæði
í árunni sem merki um reiði, gætu stýrt athygli okkar, annað hvort
meðvitað eða ómeðvitað, sem svo yrði að huglægri tengingu.
Þó roðablossar
í árunni séu yfirleitt skammvinnir, þá geta rauðar rendur vafist í áruna
sem tiltölulega föst merki um athafnasemi er stefndi að stjórnlausri
afleiðingu. Í rannsóknum hefur það sýnt sig að rauð strik birtust iðulega
í árum manna sem voru oft móðgandi eða höfðu verið sakaðir um
ofbeldisglæpi. Rauðar rákir sáust líka mjög oft í árum unglinga
sem sýndu af sér frekju.
Rannsóknir á
nemendum hafa líka sýnt að greinilegt samband var á milli rauðra svæða í
áru og þörfinni á spennu og ævintýrum, eins og það er skilgreint í
sálrænum prófum. Rauð svæði tengdust líka eirðarleysi og áhættuhegðun. Þó
að rauði liturinn fyndist yfirleitt lítið í árum nemanna almennt, þá var
ekki óalgengt að sjá hann í árum karlkyns nemenda sem stunduðu mikið
íþróttir.