Ljóska kemur inn á hárgreiðslustofu og er með heyrnartól á höfðinu, tengd við vasadiskó. Hún biður hárgreiðsludömuna að klippa hár sitt en hún megi EKKI taka heyrnartólin af henni. Hún yrði að klippa í kringum þau. En hárgreiðslukonunni fannst að það myndi líta ankannarlega út ef hún klippti ekki hárið undir heyrnartólunum svo hún lyfti þeim aðeins frá. En þá féll ljóskan skyndilega niður af stólnum og var látin með því sama. Hárgreiðslukonan tók heyrnartólin upp til þess að komast að því hvað ljóskan hefði verið að hlusta á og þá heyrði hún upptöku þar sem sagt var í sífellu: "Anda inn, anda út. Anda inn, anda út. Anda inn, anda út ..."

           Tilbaka    Til aðalsíðu