HVAÐ ER MEÐFERÐ ?

Meðferð er mótleikur gegn Alkóhólisma og öðrum Vímisma.

MEÐFERÐARSTOFNUN TEKUR AÐ SÉR að aðstoða og hjálpa drykkjumanni til að vinna bug á áráttu sinni og siðvenjum í sambandi við afleiðingar drykkjuskapar og annarrar óreglu, enda er hér litið á drykkjumanninn sem sjúkling sem hægt er að hjálpa til eðlilegs lífs.

Meðferðin byggist bæði á skipulögðu samstarfi sérfræðinga á sviði læknisfræði og sálgæslu, svo og reynslu félagsfræðinga og endurhæfðra drykkjumanna og dópista og í framhaldi af umönnun meistaranna eru eðlileg samskipti og samvera sjúklinganna, sem glíma allir við sama drauginn, mjög mikill þáttur batans..

Drykkjumaðurinn verður að gera sér ljóst að hann er ekki þarna að gamni sínu eða til að fá frið fyrir aðfinnslum og ásökunum heima fyrir heldur er hann þarna "upp á líf og dauða" til að bjarga sjálfum sér frá yfirvofandi vandræðum og einskisverðri tilveru. Hann veður því að hætta að þykjast vita og geta það sem hann getur ekki og taka við því sem að honum er rétt af sérfræðingum stofnunarinnar.

Á þessari afstöðu byggist vonin um bata.