Kakó hollara en rauðvín Vísindamenn í Bandaríkjunum hafa komist að þeirri niðurstöðu að bolli af heitu kakói sé meinhollur og sneisafullur af vítamínum og andoxunarefnum. Þá kom líka í ljós að í kakóinu eru efni sem hægja á öldrun og geta komið í veg fyrir alls kyns sjúkdóma. Athygliverðast þykir þó að einn bolli af súkkulaði á dag er mun hollari en til dæmis grænt te eða rauðvín. Fyrir ári komust franskir vísindamenn að því að rauðvínsglas á dag gæti komið í veg fyrir hjartaáföll. Dr. Chang Yon Lee og kollegar hans í Cornell-háskóla í New York gerðu rannsóknir á tei, rauðvíni og kakói og fundu út að kakóið er langhollast. Í kakóbolla er helmingi meira af andoxunarefnum en í rauðvíni og þrisvar sinnum meira en í grænu tei. En þó að kakó sé að finna í ýmsum fæðutegundum, eins og til dæmis súkkulaði, mæla vísindamennirnir ekki með að fólk leggist í súkkulaðiát. Súkkulaði er ríkt af mettaðri fitu, 40 gramma súkkulaðistykki inniheldur til dæmis 8 grömm af mettaðri fitu meðan kakóbollinn inniheldur aðeins 0,3 grömm. Heimild: Fréttablaðið 11/11/2003 Hvítlaukur Hvítlaukurinn Kyolic hefur áhrif á marga áhættuþætti hjartasjúkdóma, s.s. bóðþrýsting, kólesteról, blóðfitu, blóðstorku, oxun kólesteróls og fleiri þætti. Kyolic hvítlaukur hefur jákvæð áhrif á fjöldamörg atriði sem tengjast hjarta- og æða-sjúkdómum og í dag er ekki þekkt nokkurt annað lyf eða náttúruefni sem hefur svo fjölbreytt jákvæð áhrif á hjarta- og æðakerfi. Úrdráttur úr grein skrifaðri af Rafni Líndal lækni. Birtist í tímaritinu Velferð, 13. árg., 2. tbl., 2001. Fréttabréf Landssamtaka hjartasjúklinga. Heimild: Fréttablað Heilsuhússins, janúar 2004.

Fituvírus? Einn fylgifiskur nútíma lífshátta, hvað varðar mataræði og hreyfingu, er sífellt aukin fita á og í líkama fólks. Einhvern tíma hefði það nú ekki þótt lakara að vera vel í holdum, eins og það er kallað, og kannski hefur það verið fólki nánast lífsnauðsynlegt. En nú mun fjölgun í hópi þess fólks sem á við veruleg fituvandamál að stríða,  vera orðin svo mikil og ör, að menn eru farnir að horfa á þennan þátt sérstaklega og reyna að gera sér grein fyrir hvað valdi. Meira ...  Kanill lækkar blóðsykurinn Danska fagblaðið Ingeniø ren segir frá því á vefsíðu sinni, að hálf teskeið af kanil á dag dugi til að lækka blóðsykurinn hjá sykursjúkum einstaklingum. Rannsóknir sýna einnig að kanill lækkar blóðsykur hjá fullfrísku fólki. Ekki er þó ráðlegt að rífa í sig eplapæ og kanilsnúða en upplagt aðnota kanil út á þann mat sem maður er vanur að borða, segir í frétt frá Neytendasamtökunum. Heimild: Fréttablaðið, 29. desember 2003.

Súkkulaði fyrir hjartað Hófleg neysla súkkulaðis getur haft góð áhrif á starfsemi hjartans, að sögn sérfræðinga sem ávörpuðu gesti á ráðstefnu um kakóplöntuna. Súkkulaði inniheldur sams konar efni og finna má í rauðvíni og grænu tei. Rannsóknir hafa sýnt að þessi efni geta meðal annars örvað blóðstreymið um líkamann og lækkað blóðþrýsting og þar með dregið úr hættunni á hjartasjúkdómum. Sérfræðingar benda þó á að í óunninni kakóplöntu sé hlutfall þessara efna mun hærra en í súkkulaði, sem framleitt er í verksmiðjum. Verið er að þróa aðferðir til að varðveita efnin betur í unnu súkkulaði. Heimild: Fréttablaðið, 12. febrúar 2004. Grænt te Sífellt hlaðast upp stafestingar á virkni græns tes sem vörn gegn ristilkrabba. Vísindamenn við Lindus Pauling stofnunina í Oregon háskóla í Bandaríkjunum, komust að því að regluleg neysla græns tes var jafn virk til varnar ristilkrabba og bólgueyðandi lyf (sulindac). Rod Dash-woodprófessor við stofnunina segist hafa sannanir fyrir því að neysla græns tes samtímis inntöku stökkbreytivalda, geti með breytingum á efnaskiptum komið í veg fyrir áhrif stökkbreytivaldans. Bestur árangur náðist þó með notkun græns tes ásamt bólgueyðandi lyfi. Vísindamennirnrir segja þetta einkar spennandi niðurstöðu, þar sem bólgueyðandi lyf valda oft aukaverkunum, sem grænt te er laust við. Auk þess benda margar rannsóknir til þess að það sé einnig afar gagnlegt til að fyrirbyggja hjartasjúkdóma. Grænt te er auðugt af pólífenólum, sem heita katekín og er talið að krabbameinsvörn tesins sé m.a. þeim að þakka.   Fréttablað Heilsuhússins í janúar 2004.