| MP3 | TEXTAR | GESTABÓK | MYNDIR | TENGLAR | PRESSAN | SAMBAND |  |
||
|
Gigg á næstunni:
17. oktober á Cafe Amsterdam |
|
||||||||
 7. september 2008: Franska indiepop tímaritið Anorak City #4 inniheldur svaðalegt viðtal við hljómsveitina. Allt á frönsku auðvitað. Hér er nánar um það. Þýski plötusnúðurinn Marc Meng gerði nýlega remix útgáfu af "Popp & Co". Það má Það verður það gefið út á safnplötu frá Skipping Stones Records sem kemur út í tilefni af 5 ára afmæli New England Popfest!. Í öðrum fréttum er það helst að frétta að hljómsveitin er á fullu að semja ný lög, og taka upp. Vonandi verður hægt að gefa eitthvað af því út fyrr en síðar. Síðast en ekki síst þá er það staðfest að Dýrðin spilar á Iceland Airwaves núna í október. Vúhú! | |||||||||
Janúar 2008: Þá er Dýrðin á leið til Englands. Það verða tvennir tónleikar þar, í Oxford þann 1sta febrúar og í London þann annan. Oxford giggið er á vegum Swiss Concrete og þar koma einnig fram Stornoway, You and Me og Rowena Dugdale sem er aðalsprauta hinnar stórgóðu sveitar Santa Dog. Í London eiga kunningjar okkar í Lostmusic Presents heiðurinn af skipulagningu, og þar koma einnig fram Smokers Die Younger og Champion Kickboxer. Ennfremur kann að vera að eitt band bætist við þar. Þess má einnig geta að nú er hægt að hlusta á plötuna okkar í heild sinni á Last.fm. | |||||||||
|
21. nóvember 2007:
Iceland Airwaves fór ágætlega með Dýrðina, þótt fátt væri um manninn á tónleikunum. Blaðamaður frá Pitchforkmedia.com rak þar nefið inn og gaf okkur ágætis einkunn, sem og Pétur Valsson frá Rjómanum. Þetta olli dálitlu fjölmiðlafári hér heima og nú höfum við tekið saman það helsta:
pitchforkmedia.com Þess fyrir utan þá tók Wim van Hooste nokkrar myndir af okkur á Airwaves. Þær má berja augum hér. | |||||||||
 25. október 2007: Frændur okkar í Professor Pez, frá Bergen í Noregi, koma hingað til lands í nóvember og munu leika á einum tónleikum. Tónleikarnir verða á Organ þann 7unda nóvember og Dýrðin hitar upp. Professor Pez leikur indie-popp í hæsta gæðaflokki. Þau hafa gefið út tvær plötur og sú þriðja er á leiðinni núna í haust og mun hún bera heitir "Hordaland". Sveitina skipa Petter Saetre, Fal Polkedal, Kåre Rambjør, Gro Rosland og Ingebor Revheim. Þau segjast undir áhrifum frá m.a. Deerhoof og My Bloody Valentine, en nefna einnig Beach Boys, Sufjan Stevens og Yo La Tengo.
[MP3]: The Perfect Test | |||||||||
 The Besties lenda hérna 11. ágúst, og byrja á að spila á Paddys í Keflavík, sunnudaginn 12. ágúst ásamt Hellvar. Þann 15. ágúst troða þau svo upp á Organ ásamt Dýrðinni, Jan Mayen og Foreign Monkeys. Þetta seinna kvöld verður í boði Reykjavik Grapevine og mun kosta 500 kr. inn. The Besties gáfu út sína fyrstu plötu í fyrra hjá Skipping Stones Records, og við höfum orðið þess heiðurs aðnjótandi að spila með þeim þrisvar sinnum áður, bæði í Northampton og New York City. Það er óhætt að segja að það er alveg drullugaman á tónleikum með þeim. Fyrr á þessu ári kom út 7 tommu smáskífa hjá Hugpatch útgáfunni, sem státar af slagorðinu "The world's tiniest record label". Þess má einnig geta að diskurinn þeirra, sem ber heitið Singer, fæst bæði í Smekkleysu og 12 Tónum hér heima. Vonandi sjá sem flestir sér fært að mæta á tónleikana, því hér er sannkallaður hvalreki á ferð. | |||||||||
30.07.2007:
Velkomin á flunkunýja síðu Dýrðarinnar. Helst í fréttum er það að okkur áskotnaðist á dögunum nýr hljómborðsleikari, Kolbrún Karlsdóttir, sem hér sést prýða auglýsingu fyrir Reykjavik to Rotterdam tónlistarhátíðina sem haldin verður bráðlega. Við komum reyndar ekki nálægt þeirri hátíð að neinu öðru leiti í þetta skiptið. Það er hinsvegar nóg um að vera því þann 15. ágúst spilum við með The Besties frá Brooklyn á nýjum og stórglæsilegum tónleikastað sem ber heitið Organ. The Besties eru að koma við hér eftir túr um Bandaríkin, Svíðþjóð og Bretland. Þau eru okkur að góðu kunn þar sem við höfum áður spilað með þeim þrisvar sinnum í Bandaríkjunum. Nánar um það síðar... Einnig eru framundan tónleikar á Gauknum þann 9. ágúst ásamt hljómsveitinni Tilburi, en Maggi var einmitt bassaleikari þeirrar sveitar til margra ára. Heyrst hefur að bandið sé mun betri eftir að hann hætti.
| |||||||||
