BIRTINGUR  

BÓK ÁGÚST-MÁNAÐAR 2001

TÆRNAR
SPEGILL PERSÓNULEIKANS

Höf.: Imre Somogyi ; þýðing: Fríða Júlíusdóttir.

Þegar Imre Somogyi vann sem blaðamaður og framleiðandi sjónvarpsefnis, fékk hann áhuga á heilun. Hann kynnti sér, meðal annarra meðferða, smáskammtalækningar, grasalækningar og punktanudd. Á þessum tíma bjó hann til kenningu um að tærnar á fólki væru nokkurs konar spegill þess og að lögun þeirra og staða sýndi hvernig persónuleikar það væri.
Eftir að hann hafði uppgjötvað þetta varð hann mjög undrandi þegar hann komst að því að aldrei hafði verið neitt gefið út um þetta efni.
Tuttugu árum síðar fór hann sjálfur að rannsaka kenningu sína og setti upp próf fyrir sjálfan sig. Hann ákvað að rannsaka 40 manns og ef niðurstöður hans yrðu fyrir neðan 90% hvað nákvæmni varðaði, þá ætlaði hann ekki að hlusta frekar á þá sem kröfðust þess að hann skrifaði bók um efnið.
Það er óþarft að taka fram að hann stóðst próf sitt með mestu ágætum, og hann leggur jafnan mikla áherslu á að hann hafi ekki svindlað í neinu atriði þess.
Táalestur er skemmtileg en engu að síður raunveruleg aðferð til að greina persónuleika og hegðunarmynstur.
Upphafið að þessu var þegar þau hjónin, Margriet og Imre Somogyi fóru að kynna sér segullækningar og komust þá að því að meðferð á fótum fólks gat kallað fram vissar tilfinningar hjá því. Þau segja t.d. að sorg setjist að í hálsinum og sönnun þess fengu þau þegar kona öskraði hástöfum þegar stóra táin á henni var nudduð mjúklega. Ástæða þess var uppsöfnuð sorg innra með henni. Þau komust einnig að því að viðkvæm litla tá á vinstra fæti gefur til kynna svartsýni og oft á tíðum kynferðisleg vandamál.
Þau hjónin fengu mikinn áhuga á þessu fyrirbæri og tóku að leita að fleiri tengslum á milli tilfinninga og verkja í fótum. Þau ræddu ítarlega við félaga sína á námskeiðum og gerðu tilraunir á þeim, og komust að því að svæðin, sem kölluðu fram verki, sögðu ekki bara til um tilfinningar, heldur gaf staða og lögun tánna líka til kynna hvernig við tökumst á við tilfinningarnar.
Eftir þessa uppgötvun og þegar þau höfðu þróað hana nánar, varð mjög vinsælt að fá hjónin í partí og á ýmsar samkomur til að lesa í tær, enda var fólk gjarnan opnara þar og tilbúið í eitthvað nýtt og forvitnilegt.
Þetta spurðist æ hraðar út og alltaf var verið að spyrja þau um hvaðan þau hefðu þetta og hvar þau hefðu lesið sér til um það. Svarið var alltaf "hvergi," þau fundu þetta út sjálf. Og vegna sífelldra fyrirspurna endaði það á því að þau ákváðu að skrifa bók um fyrirbærið og hér er hún komin, væntanlega eina bókin í heiminum, sem skrifuð hefur verið um táalestur.

Nokkur dæmi um lestur úr útliti táa:

Þybbnar og stórar tær: Fólk, sem er með svona tær, er mjög vel máli farið og talar mikið og lengi.
Snúin tá gefur til kynna að stefnubreyting sé í vændum.
Hallandi tá: Þarna kemur eitthvað annað í ljós en það sem eigandi táarinnar hugsar og finnur í raun og veru. Halli veldur ólíkri hegðun, ólíkri meðhöndlun orkunnar en ætlað var í upphafi. Kræktar tær: Tær, sem eru kræktar þannig að þær eru jafnar táalínunni (þ.e. á milli litlu táar og þeirrar stóru) sýna tilhneigingu til óheilinda.
Tá, sem vísar upp í loftið: Þessi tá er ekki jarðtengd. Þarna er á ferðinni tilhneiging til ástæðulausra rifrilda, ímyndunar og dagdrauma. Þessi staða táar veldur svo sem ekki neinum vandamálum en býður oft upp á flótta frá raunveruleikanum.
Kreppt tá: Þetta skeður þegar hinn ytri heimur hefur neytt hömlum upp á eigandann eða stjórnsamur aðili viðurkennir ekki einhvern tjáningarmáta hans.

Í bókinni er fjöldi mynda með skýringum og dæmum um margvíslegt útlit táa og hvað það merkir.

Heimasíða höfundar bókarinnar er:
www.readingtoes.com

[Birtingur-titilsíða]     [Febrúarbók-2001]     [Maíbók-2001]