Tilgangur Félagsins MÍR er að koma á og halda uppi menningarlegu samstarfi milli Íslands og Rússlands, að veita fræðslu um menningu og þjóðlíf í Rússlandi og stuðla að því að kynna þar íslenska menningu, bókmenntir og listir.
Þessum tilgangi vill félagið ná m.a. með því að greiða fyrir hverskonar samskiptum milli einstaklinga, samtaka og annarra aðila í báðum löndum, gangast fyrir fræðslu með fyrirlestrum , kvikmyndsýningum hverskonar o.s.frv., og stuðla á hvern hátt að vinsamlegu samstarfi Íslendinga og Rússa.
MÍR er landsfélag og heimilisfang þess er Hverfisgötu 105, 101 Reykjavík, en þar í félagsheimilinu er kvikmyndasalur , sýningarsalur , kaffistofa, bóka- og myndasafn .