heimasíða um andleg málefni

Hvað sögðu þau?
Nokkur orð fólks um spíritisma og lífið eftir dauðann / Síða 2
 

Hr. Karl Sigurbjörnsson, biskup Íslands: Draugar eru mest í höfðinu á fólki "Ég trúi á tilvist hins illa. En margt af því sem hefur verið skýrt sem draugagangur er vafalaust mestmegnis inni í höfðinu á þeim, sem þykist upplifa hann," segir Karl Sigurbjörnsson um drauga og draugagang, en ummæli hans um draugasafnið á Stokkseyri nýverið, hafa vakið athygli. "Það er líka alls kyns múgæsing í kringum þessa hluti," segir Karl. "Mér hefur fundist mikil lágkúra vaða uppi kringum margt af þessu. Til dæmis draugagöngur, sem hafa verið auglýstar á sjálfum Hólastað, þvílíkt og annað eins! Og galdrasetrið á Ströndum, sem gerir galdrabrennur og kukl að skemmtiefni fyrir ferðamenn. En þetta er ekkert grín, það er ógnvænleg og skelfileg saga á bak við þessa hluti. Hin myrku öfl eru raunveruleg. Þau ber að umgangast með varúð." Heimild: Fréttablaðið, 19. október 2003 Vísdómur frá Cree indíánum: Peningar verða ekki etnir Aðeins þegar síðasta tréð hefur verið höggvið, aðeins eftir að síðasta áin hefur verið menguð, og aðeins þegar síðasti fiskurinn hefur verið veiddur, fyrst þá munið þið finna að það er ekki hægt að borða peninga. Esther Vagnsdóttir, þýðandi: Líf eftir dauðann ... Á ráðstefnunni kaus [Dr. David Fontana] að halda fyrirlestur um hugleiðslu og mikilvægi hennar. Varðandi spurninguna um dauðann segir hann: "Spurningar um líf eftir dauðann og eðli þess eru mikilvægustu spurningarnar sem við spyrjum okkur sjálf á lífsleiðinni. Hin mikla andlega og mystiska arfleifð og rannsóknir á miðilssamböndum sem gerðar hafa verið af hinum hæfustu vísindamönnum, veita ástæðu til að ætla að maðurinn lifi af líkamsdauðann. Rannsóknir á fólki sem vaknað hefur á ný frá kliniskum dauða, fela í sér margar mikilsverðar ábendingar um framhaldslíf. Ég tel að sá vitnisburður veiti ástæðu til svo mikillar bjartsýni að áður en varir muni vísindin taka hann alvarlega." [...] Parasálfræðingurinn dr. Werner Schiebeler hefur kennt eðlisfræði og rafeindafræði við verkfræðiháskóla í Þýskalandi. Hann hefur stundað rannsóknir á sviði parasálfræði og liggja eftir hann margar bækur um þau efni. Nefna má "Dauðinn - brú yfir í nýja veröld," "Sannanir fyrir framhaldslífi," "Örlög einstaklinga eftir andlátið," "Gagnkvæm hjálp milli heima." Dr. Schiebeler segir: "Parasálfræðin hefur uppgjötvað mörg tilvik þar sem ég-vitund einstaklingsins heldur áfram að vera til og getur haft samband við jarðsviðið þrátt fyrir dauða efnislíkamans. Parasálfræðin telur þetta beinar reynslusannanir fyrir framhaldsífi. Menn geta velt ýmsu fyrir sér varðandi framhaldslíf, en ekki verður komist framhjá þeim staðreyndum og sönnunum sem rannsóknir á sviði parasálfræðinnar hafa fram að færa."    Heimild: Dagur, 28. febrúar 1998. Ragnheiður Laufdal, sjöunda dags aðventisti: Hvað segir Biblían um ástand hinna látnu? ... "En spurningin er; lifa látnir? Eða má hafa samband við þá? Er það mögulegt? Samkvæmt Biblíunni lifa látnir ekki, þeir hvíla í gröfum sínum þar til Kristur kemur aftur að sækja sitt fólk. Ef við höldum því fram að látnir lifi gerum við upprisuna að engu. Jesús líkti dauðanum við svefn því þar er algjöra hvíld að fá, þangað til hann kemur. Ef Kristur kemur aftur að sækja sitt fólk og reisa látna frá dauðum, sbr. trúarjátningu landsmanna: "hann mun koma aftur að dæma lifendur og dauða." Og "ég trúi á upprisu holdsins og eilíft líf." Af hverju þarf Kristur að koma að sækja sitt fólk, ef það er þegar komið til himins? Er ekki vert að fara að nálgast sannleikann, vinir, og fræðast ögn meira? Já, Kristur kemur aftur og þá mun hann hafa launin með sér. Sjá (Jóh. 5.28-29): "Undrist þetta ekki. Sú stund kemur, þegar allir þeir, sem í gröfunum eru, munu heyra raust hans og ganga fram, þeir, sem gjört hafa hið góða, munu rísa upp til lífsins, en þeir, sem drýgt hafa hið illa, til dómsins." Það er því ljóst að við hvílum í gröfum okkar þangað til hann kemur. Við höfum ekkert farið, við höfum aðeins hvílst. / ... Heimild: Morgunblaðið, 11. nóvember 1997

.....
[ Tilbaka ]  [ Upphaf spíritisma á Íslandi ]    [ Fyrirbodar ]    [ Leiðbeinendur að handan ]       
[ Hvað er lífritmi? ]    [ Aðrar heimasíður ]    [ Andleg málefni - titilsíða ]    [ Til aðalsíðu ]