heimasíða um andleg málefni

Silfur-Birkir Hver er Silfur-Birkir? (Kynning eftir leiðbeinanda hringsins sem hann birtist í, Hannen Swaffer). Silfur-Birkir, eins og við köllum hann, er ekki rauðskinni. Hver hann er vitum við ekki. Við gerum ráð fyrir að hann noti nafn anda þess ljósvakalíkama sem hann tjáir sig í gegnum, vegna þess að það er ógerlegt fyrir þá háu tíðni þeirra andlegu sviða sem hann tilheyrir að birtast nema í gegnum annað starfstæki. Hann er andlegur leiðbeinandi þes sem nefnt hefur verið "Heimahringur Hannen Swaffers." "Einhvern daginn mun ég segja ykkur hver ég er," sagði hann við okkur nú nýlega. "Ég verð að birtast í formi hógværs indíána til þess að ávinna mér kærleik ykkar og hollustu, en ekki með einhverju háfleygu nafni og til þess að sanna sjálfan mig með sannleika þess sem ég kenndi. Það er lögmálið. Silfur-Birkir kom inn í líf mitt fljótlega eftir að ég gerðist spíritisti, árið 1924. Alla tíð síðan hef ég hlustað í klukkustund eða meira hverju sinni á kenningar hans, leiðsögn og fyrirætlanir og þannig lært að elska og virða hann meira en nokkra jarðneska veru. Hann birtist fyrst á alveg sérstakan hátt. Ungur maður á 18. aldursári, trúleysingi, sem var að kynna sér spíritisma, tók í hálfkæringi þátt í miðilshring í einu mesta fátækrahverfi Lundúnaborgar. Hann skellti upp úr þegar, svo notuð séu hans eigin orð, "gömul kona varð að Kínverja og allt hvað heita hefur," sem varð til þess að hann var ávítaður af miðli, sem úr trans sagði við hann: "Þú munt verða farinn að gera þetta sama áður en langt um líður." Þó hann færi brott tortrygginn og vantrúaður þá kom hann nú samt aftur í næstu viku og þá, þegar fundurinn var hálfnaður, baðst hann afsölunar á því að hafa sofnað. "Þú varst í trans," sagði einhver sem sat næstur honum. "Leiðbeinandi þinn gaf okkur upp nafn sitt og sagðist hafa verið að þjálfa þig í mörg ár fyrir þetta og að þú myndir, áður en langt um liði, vera farinn að tala af sviði, á fundum spíritista." Og aftur hló hinn ungi maður... Á þessum tíma talaði Silfur-Birkir ákaflega fá orð í ensku og þessi fáu með mjög ófáguðum áherslum. Eftir því sem árin liðu jókst þekking hans á tungumáli okkar, svo að einföld mælska hans tekur nú fram sérhverjum ræðumanni sem ég hef hlýtt á. Silfur-Birkir er kennari. Hann stundar ekki heilun og hann flytur sjaldan sönnunarskilaboð. Hann afsakar það stundum og segir að hann sjái oft eftir því að hann skyldi takmarka stjórn sína á miðlinum við kennslu. Þó hann telji kenningar sínar afar mikilvægar þá gerir hann sér ljóst að heimurinn þarfnast sönnunar um eilíft líf. Á síðustu árum hef ég komið með alls konar fólk til þess að hlusta á Silfur-Birki, trúarleiðtoga, blaðamenn, fók hvaðanæva að úr veröldinni. Aldrei, frá nokkru þeirra hef ég heyrt eitt einasta orð af gagnrýni um neitt af því sem hann sagði. Prestur nokkur, sem kom með flóknar fræðikenningar sínar, varð orðlaus þegar Silfur-Birkir útskýrði með einföldum orðum það sem hann kallar "lögmálið." Fyrir fundinn hafði ég ráðlagt prestinum að skrifa hjá sér þær erfiðustu spurningar sem hann gæti látið sér detta í hug. Hann kom, fullur áhuga á að skora nú á hólm einn þessara andlegu leiðbeinenda, sem hann hafði svo oft heyrt fordæmda af kollegum sínum. Hann fór aftur standandi forviða. Silfur-Birkir hafði gert flóknar fræðikenningar of einfaldar fyrir fræðimanninn. Heimahringur minn, sem Silfur-Birkir leiðir, hélt fundi á hverju föstudagskvöldi, og reglulega í hverri vikur birti Psychic News orðrétt það sem hann sagði. Fyrirlestrarnir voru ekki veittir til einkanota fyrir heimahring okkar, heldur til dreifingar um allan heim. Afleiðing þess er sú að Silfur-Birkir hefur fleiri áhangendur en nokkur jarðneskur predikari. Þeir tilheyra hverju landi og nánast öllum kynþáttum og eru fólk af öllum litarháttum. Samt geta orð Silfur-Birkis, komin svona niður á dautt prentletur, ekki flutt annað en lítið brot af göfugleika manngerðar hans, hlýja vináttu og eðlislægan virðuleikann í máli hans. Stundum knýja þau fram tár. Við vitum að við erum í nálægð, hversu hógværlega sem hann annars kann að tala, mikils og upphafins anda. hann ávítar aldrei og leitar aldrei yfirsjóna. Kirkjunnar menn tala um Jesús frá Nazaret, sem þeir þekkja lítið til og hafa engar sannanir fyrir. Silfur-Birkir talar um Nazaretmanninn, eins og hann kallar hann, sem æðstan allra andlegra vera er hann hefur samband við og eins og Silfur-Birkir hefur fært okkur sönnur á í gegnum margra ára náið samband, þá getur hann ekki sagt ósatt og þess vegna vitum við, þó ekki væri nema vegna þess að hann segir svo, að Jesús, sem sagt er frá í Nýja-testamentinu er enn að starfi og að fást við þá eilífu hugsjón sem eitt sinn leiddi hann til þessarar jarðar. Svo gagnvart okkur þá hafa orðin "sjáið, ég er með yður alltaf, allt til enda veraldarinnar," meiningu sem kirkjan ekki getur útskýrt. Heimsspeki Silfur-Birkis er, eins og þið munið auðveldlega geta skilið, af algyðistrú manns, sem gerir sér grein fyrir að guð er að finna í náttúrunni sjálfri, að til er óbreytanlegt lögmál sem stjórnar öllu og að guð er lögmálið. "Þið eruð innan hins mikla anda," segir Silfur-Birkir, og hinn mikli andi er innan ykkar." Svo lærum við að við erum öll verðandi guðir, hluti af Skapandi frumenfi sem er í öllu. Silfur Birkir lætur þó ekki staðar numið við fræðilega heimspeki. Hann hamrar stöðugt á þeirri lexíu að við séum hér til þess að starfa. Hann felur alla trú í orðinu "þjónusta," og leitast við að kenna okkur að þó við kunnum að vera klaufaleg verkfæri, að við séum í þennan heim komin til þess að binda endi á stríð, útrýma fátækt og flýta fyrir komu þess tíma þegar gnægðum drottins verður dreift með öllu hans örlæti á meðal allra þjóða heimsins. "Hollustueiður okkar," segir Silfur-Birkir, "er ekki við trúarjátningar, bók eða kirkju, heldur Lífsandann mikla og eilíft náttúrulögmál hans. Þannig er það því að meðlimir í hring hans, sem eru sex að tölu, telja þrá gyðinga og þrjá trúleysingja, sem í spíritisma finna ekki mismun kynþátta eða trúarsetninga. Þrír þeirra voru efasemdarmenn um yfirnáttúruleg efni og sá fjórði var meþódistaprestur, sem rétt áður en hann gekk til liðs við hring okkar, hafði yfirgefið meþódistatrúna, því hann gat ekki lengur samþykkt kenningar hennar. Á þessum árum mínum á fundum með Silfur-Birki hef ég aldrei vitað til þess að hann gleymdi nokkru atriði, þrátt fyrir að við kynnum að gera svo. Og aldrei, í einu aukateknu orði, hvikar hann frá sjálfskipaðri hugsjón sinni um að kenna mannanna börnum einfaldari og blessunarríkari lífsmáta. Heimild: Teachings of Silver-Birch. Ef þú vilt lesa meira um Silfur-Birki flettu þá yfir á næstu síðu þar sem Silfur-Birkir segir frá sjálfum sér.    Annað efni á heimasíðu Verundar: Til aðalsíðu  Leiðbeinendur að handan    Bækur um dulræn málefni    Fyrirboðar     Upphaf spíritisma á Íslandi Hvað sögðu þau?     Hvað er lífritmi?     Aðrar heimasíður     Andleg málefni-titilsíða